“𝗧𝘀𝗶𝘀𝗺𝗶𝘀 𝗹𝗮𝗻𝗴 ‘𝘆𝗮𝗻” — 𝗥𝗼𝗯𝗶𝗻 𝗣𝗮𝗱𝗶𝗹𝗹𝗮 𝗼𝗻 𝗦𝗲𝗻𝗮𝘁𝗲 𝗰𝗼𝘂𝗽 𝗰𝗹𝗮𝗶𝗺𝘀

Sen. Robin Padilla nilinaw: walang planong “Senate coup” ang minority bloc para palitan ang liderato ng Senado at pigilan ang impeachment trial ni VP Sara Duterte. Sa social media post niya nitong May 11, sinabi niyang tsismis lang ang alegasyon—at iginiit na “matibay” ang majority sa Senado.

Diretsahan ang punto ni Padilla: hindi raw puwedeng pigilan ng isang senador o grupo ng senador ang pagbuo ng Senado bilang impeachment court kapag naipadala na ng House ang Articles of Impeachment. Para sa kanya, malinaw ang proseso sa 1987 Constitution—kaya mali raw na ibinabato sa minority ang kwentong may kudeta.

Dagdag pa niya, habang hindi pa formally nag-a-assemble ang Senado bilang impeachment court, puwede pa ring magpahayag ng posisyon ang minority laban sa impeachment. Pero kapag “nasa korte na,” iba na ang laro—doon na papasok ang pormal na proseso bilang mga hukom.

Sa madaling sabi: denial sa coup, insistence sa constitutional process, at pagtatanggol sa karapatan ng minority na magsalita habang wala pa sa stage ng formal trial.

Image from Robin Padilla FB